by liji HP News | Mar 27, 2024 | Accidents, Latest News
പാലക്കാട്: പാലക്കാട് അയിലൂരില് ഉറങ്ങിക്കിടന്ന ആള് ടിപ്പര് ലോറി കയറി മരിച്ചു. അയിലൂര് പുതുച്ചി കുന്നക്കാട് വീട്ടില് രമേഷ് (കുട്ടന് 45) ആണ് മരിച്ചത്. പുലര്ച്ചെ നാലുമണിയോടെയാണ് അപകടമുണ്ടായത്. വീട് നിര്മ്മാണത്തിന്റെ ഭാഗമായി മണ്ണ് തട്ടുന്നതിനായി ലോറി പുറകോട്ട് എടുക്കുമ്പോഴാണ് തറയുടെ ഭാഗത്ത് കിടന്നുറങ്ങുകയായിരുന്ന രമേഷിന്റെ ശരീരത്തിലൂടെ ടിപ്പര് ലോറി കയറിയിറങ്ങിയത്.
അയിലൂര് സ്വദേശി ജയപ്രകാശിന്റെ വീട്ടിലേക്ക് മണ്ണ് കൊണ്ടുവന്ന ലോറിയാണ് അപകടമുണ്ടാക്കിയത്. മണ്ണ് കൊണ്ടുവരുന്നതിനെതിരെ കഴിഞ്ഞ ദിവസം പരാതി ഉയര്ന്നതിനെ തുടര്ന്നാണ് രാത്രിയില് ടിപ്പറില് മണ്ണ് കൊണ്ടുവന്നു തള്ളിയത്.
by liji HP News | Feb 21, 2024 | Accidents, Latest News
ആറ്റിങ്ങൽ: മൂന്നു മുക്കിൽ നിന്നും ആറ്റിങ്ങലിലേയ്ക് വരുകയായിരുന്ന ഓട്ടോ റിക്ഷ നിയന്ത്രണം വിട്ട് നിർത്തിയിട്ടിരുന്ന കാറിൽ ഇടിച്ചു ഓട്ടോ ഡ്രൈവർ മരണപെട്ടു. പട്ട്ള തിരുവാതിരയിൽ മധുകുമാർ (66) ആണ് മരണപ്പെട്ടത്. ഇന്ന് രാവിലെ 10 മണിയോടെ വെഡ് ലാൻഡിനു മുന്നിലായിരുന്നു സംഭവം ആറ്റിങ്ങൽ കെ എസ് ആർ ടി സി സ്റ്റാൻഡിലെ ഓട്ടോറിക്ഷാ തൊഴിലാളിയാണ് ഇദ്ദേഹം അപകടത്തെ തുടർന്ന് നാട്ടുകാർ ആറ്റിങ്ങൽ വലിയകുന്നു താലൂക്ക് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
പ്രസന്ന ഭാര്യയും എബിൻ, അക്ഷര മക്കളുമാണ്.
by Midhun HP News | Jan 22, 2024 | Accidents, Latest News
തിരുവനന്തപുരം: നെയ്യാറ്റിൻ കരയിൽ വാഹനാപകടം. അപകടത്തിൽ ആറു വയസ്സുകാരന് ദാരുണാന്ത്യം.മണലുവിളസ്വദേശി ജിജിൻ്റെയും രേഷ്മയുടേയും രണ്ടാമത്തെ മകൻ ആരിഷാണ് മരണപ്പെട്ടത്.നെയ്യാറ്റിൻകര ഗ്രാമത്തിന് സമീപം രാവിലെ ഒൻപത് മണിയോടെ ഇരു ചക്ര വാഹനത്തിൽ സഞ്ചരിക്കുകയായിരുന്ന കുടുംബത്തെ ലോറി മറികടക്കുന്നതിനിടെയാണ് അപകടമുണ്ടായത്.സംഭവസ്ഥലത്ത് വച്ച് തന്നെ കുട്ടി മരണപ്പെട്ടു. മാതാപിതാക്കളും മൂത്ത കുട്ടിയും നിസാര പരിക്കുകളോടെ രക്ഷപെട്ടു. സംഭവത്തിൽ ലോറിയെയും ഡ്രൈവറെയും പോലീസ് കസ്റ്റഡിയിലെടുത്തു.
by Midhun HP News | Jan 10, 2024 | Accidents, Latest News
ആറ്റിങ്ങൽ പൂവൻപാറയിൽ വാഹനാപകടം. അശ്രദ്ധമായി റോഡിന് കുറുകെ പോയ ഇരുചക്ര വാഹനത്തെ ഇടിക്കാതിരിക്കാൻ ശ്രമിക്കുന്നതിനിടയിൽ മൂന്നു വാഹനങ്ങൾ ആണ് അപകടത്തിൽപ്പെട്ടത്. തിരുവനന്തപുരം ഭാഗത്തേക്ക് പോയ മൂന്നു വാഹനങ്ങളും ഒന്നിന് പുറകിലായി ഇടിയ്ക്കുകയായിരുന്നു. കൊല്ലം ഭാഗത്തുനിന്ന് വന്ന കാറിന്റെ പിൻഭാഗവും ചടയമംഗലം ഭാഗത്തു നിന്നും വന്ന ഒംനി വാനിന്റെ മുൻഭാഗവും തകർന്നിട്ടുണ്ട്. ആർക്കും ഗുരുതര പരിക്കുകളില്ല.
by Midhun HP News | Jan 8, 2024 | Accidents, Latest News
റിയാദ്: ദമ്മാം-റിയാദ് ഹൈവേയിലുണ്ടായ വാഹനാപകടത്തിൽ മലയാളി യുവാവ് മരിച്ചു. റിയാദിൽ ജോലി ചെയ്യുന്ന തിരുവനന്തപുരം വർക്കല സ്വദേശി അജിത് മോഹൻ (29) ആണ് മരിച്ചത്. റിയാദിൽനിന്ന് ദമ്മാമിലേക്ക് ലോഡുമായി പോവുകയായിരുന്ന ട്രക്ക് റിയാദ് നഗരത്തോട് ചേർന്നുള്ള ചെക്ക് പോയിൻറിന് സമീപം മറിയുകയായിരുന്നു.
അജിത്താണ് വാഹനം ഓടിച്ചിരുന്നത്. അജിത് സംഭവസ്ഥലത്ത് തന്നെ മരിച്ചു. മോഹനൻ വാസുദേവൻ-ലത ദമ്പതികളുടെ മകനാണ്.
ഭാര്യ: അനഘ വിജയകുമാർ.
മകൻ: മോഹനൻ.
മൃതദേഹം നാട്ടിലേക്ക് അയക്കുന്നതിനുള്ള നടപടിക്രമങ്ങളുമായി സാമൂഹിക പ്രവർത്തകൻ സിദ്ദീഖ് തുവ്വൂർ രംഗത്തുണ്ട്.
by Midhun HP News | Jan 4, 2024 | Accidents, Latest News
ആറ്റിങ്ങൽ: തോന്നയ്ക്കൽ സയൻസ് പാർക്കിനു സമീപം അപകടം. കാറും ബൈക്കും കൂട്ടിയിടിച്ചായിരുന്നു അപകടം നടന്നത്. അപകടത്തിൽ ബൈക്ക് യാത്രികനായ യുവാവ് മരണപെട്ടു
Recent Comments