പള്ളിക്കൽ പഞ്ചായത്തിൽ പ്രോജക്ട് അസിസ്റ്റന്റ് ഒഴിവ്

കിളിമാനൂർ: പള്ളിക്കൽ പഞ്ചായത്തിൽ പ്രോജ്കട് അസിസ്റ്റന്റിന്റെ താൽകാലിക ഒഴിവുണ്ട്. മൂന്ന് വർഷത്തെ ഡിപ്ലോമ ഇൻകമേഴ്സ്യൽ പ്ലാക്ടീസ്, അല്ലെങ്കിൽ കമ്പ്യൂട്ടർ ആപ്ലിക്കേഷൻ ആന്റ് ബിസിനസ് മാനേജ്മെന്റോ അല്ലെങ്കിൽ സർവ്വകലാശാല ബിരുദവും ഡിസിഎ, പിജിഡിസിഎ യോ പാസായിരിക്കണം. പ്രായപരിധി പതിനെട്ടിനും മുപ്പതിനും ഇടയിൽ പട്ടികജാതിക്കാർക്ക് 3വർഷത്തെ ഇളവ് അനുവദിക്കും.

താൽപര്യമുളള ഉദ്യോ​ഗാർത്ഥികൾ അപേക്ഷ , യോ​ഗ്യതാ സർട്ടിഫിക്കറ്റുകൾ എന്നിവയുടെ പകർപ്പ് സഹിതം ഒക്ടോബർ 26ന് 5 മണിക്ക പഞ്ചായത്ത് ഓഫീസിൽ ലഭിക്കേണ്ടതാണ്. വൈകിയെത്തുന്ന അപേക്ഷകൾ നിരസിക്കുന്നതായിരിക്കും. ഈ തസ്തികയ്ക്കുവേണ്ടിയുള്ള അഭിമുഖം നവംബർ 3ന് പതിനൊന്ന്മണിക്ക് പഞ്ചായത്തിൽ നടക്കും.

കെ.റ്റി.സി.റ്റി കോളേജ് ഓഫ് ആർട്സ് ആൻഡ് സയൻസിൽ സീറ്റ്‌ ഒഴിവ്

കല്ലമ്പലം: കെ.റ്റി.സി.റ്റി കോളേജ് ഓഫ് ആർട്സ് ആൻഡ് സയൻസിൽ ബി എ ഇംഗ്ലീഷിന് ഏതാനും സീറ്റുകൾ ഒഴിവുണ്ട്. താല്പര്യമുള്ള വിദ്യാർത്ഥികൾ അസ്സൽ സർട്ടിഫിക്കറ്റുകളുമായി കോളേജിൽ ബന്ധപ്പെടുക: 9188101036,9188101074.

കേന്ദ്രസർക്കാർ സ്ഥാപനത്തിൽ സ്ത്രീകൾക്കായുള്ള തൊഴിൽ പരിശീലനപരിപാടി

ആറ്റിങ്ങൽ: കേന്ദ്രസർക്കാർ സ്ഥാപനത്തിൽ സ്ത്രീകൾക്കായുള്ള തൊഴിൽ പരിശീലന പരിപാടി. ഫാഷൻ ഡിസൈനിങ്, HD ബ്രൈഡൽ മേക്കപ്പ് കോഴ്സുകളിലേക് ആണ് രജിസ്ട്രേഷൻ ആരംഭിച്ചത്. രജിസ്റ്റർ ചെയ്യേണ്ട അവസാന തീയതി ഒക്ടോബർ 18. കൂടുതൽ വിവരങ്ങൾക്ക് :9746870544

ആറ്റിങ്ങലിൽ വാഹനമിടിച്ച് വൈദ്യുതി പോസ്റ്റ് തകർന്നു

ആറ്റിങ്ങലിൽ വാഹനമിടിച്ച് വൈദ്യുതി പോസ്റ്റ് തകർന്നു. ഇടിച്ച വാഹനം നിർത്താതെ പോയി. ആറ്റിങ്ങൽ സിവിൽ സ്റ്റേഷന് എതിർവശത്തെ വൈദ്യുതി പോസ്റ്റ് ആണ് തകർന്നത്. ഇന്ന് പുലർച്ചെ നാല് മണിയോടെ ആയിരുന്നു സംഭവം. ഇതേതുടർന്ന് പട്ടണത്തിലെ വൈദ്യുതി ബന്ധം വിച്ചേദിക്കപ്പെട്ടു. പോസ്റ്റ്‌ മാറ്റി വൈദ്യുതി പുന സ്ഥാപിക്കാനുള്ള ശ്രമത്തിലാണ് കെഎസ്ഇബി അധികൃതർ.

സമീപത്തെ സിസിറ്റിവി കാമറകൾ പ്രവർത്തന ക്ഷമമില്ലാത്തിത്തിനാൽ നിർത്താതെ പോയ വാഹനം തിരിച്ചറിയാനായിട്ടില്ല.

കർഷകമിത്ര നിയമനം; അപേക്ഷ ക്ഷണിച്ചു

ആറ്റിങ്ങൽ കൃഷി അസിസ്റ്റന്റ് ഡയക്ടറുടെ പരിധിയിലെ ഏഴ് പഞ്ചായത്ത് കൃഷിഭവനുകളുടേയും ഒരു മുനിസിപ്പൽ കൃഷിഭവന്റേയും നേതൃത്വത്തിൽ പ്രവർത്തിക്കുന്ന ഇക്കോഷോപ്പുകൾ, ആഴ്ച്ചചന്തകൾ എന്നിവയെ ഏകോപിപ്പിച്ച് കർഷകർക്ക് കാർഷിക വിപണനം ആദായമാക്കുക എന്ന ഉദ്ദേശ്യത്തിനായി കർഷകമിത്രയെ തിരഞ്ഞെടുക്കുന്നതിനായി അപേക്ഷകൾ ക്ഷണിച്ചു.

അതാത് കൃഷിഭവൻ ഏരിയയിൽ ഉള്ള 20 മുതൽ 50 വയസ്സുവരെ ഉള്ള യുവതീയുവാക്കളിൽ നിന്നും കൃഷി ആഫീസർ മുഖേന അപേക്ഷകൾ ക്ഷണിക്കുന്നു. അപേക്ഷകർക്ക് കംമ്പ്യൂട്ടർ ഉപയോഗിക്കുന്നതിൽ അടിസ്ഥാന പരിജ്ഞാനം, ഇരുചക്രവാഹന ലൈസൻസ്, സ്വന്തമായി ആൻഡ്രോയിഡ് ഫോൺ എന്നിവ അഭികാമ്യം. മികച്ച ആശയ വിനിമയ പാടവം ആവശ്യമാണ്. കർഷകമിത്രയായി തിരഞ്ഞെടുക്കുന്ന വ്യക്തിക്ക് പ്രവർത്തനത്തിന് ആനുപാതികമായി 5000 രൂപ വരെ പ്രോത്സാഹന ധനസഹായത്തിന് സാദ്ധ്യതയുണ്ട്. കൂടുതൽ വിവരങ്ങൾക്കായി അതാത് കൃഷി ആഫീസുകളുമായി ബന്ധപ്പെടുക.

അപേക്ഷകൾ സ്വീകരിക്കുന്ന അവസാന തീയതി ഒക്ടോബർ 8 വെള്ളിയാഴ്ച്ച വൈകുന്നേരം 3 മണി വരെ.

പ്ലസ് വൺ രണ്ടാം അലോട്ട്‌മെന്റ് പ്രവേശനം ഇന്ന് മുതൽ

പ്ലസ് വൺ പ്രവേശനത്തിന്റെ രണ്ടാമത്തേതും മുഖ്യഘട്ടത്തിലെ അവസാനത്തേതുമായ അലോട്ട്‌മെന്റ് പ്രകാരമുള്ള പ്രവേശനം 7, 12, 16, 20, 21 തീയതികളിൽ നടക്കും. അലോട്ട്‌മെന്റ് വിവരം www.admission.dge.kerala.gov.in ലെ ‘Click for Higher Secondary Admission’ എന്ന ലിങ്കിലൂടെ ലഭിക്കും. വെബ്‌സൈറ്റിലെ Candidate Login-SWS ൽ ലോഗിൻ ചെയ്ത് Second Allotment Results എന്ന ലിങ്ക് പരിശോധിക്കാം. ഇതിൽ നിന്ന് ലഭിക്കുന്ന അലോട്ട്‌മെന്റ് ലെറ്ററിലെ നിർദ്ദിഷ്ഠ തീയതിയിലും സമയത്തും പ്രവേശനത്തിനായി അലോട്ട്‌മെന്റ് ലഭിച്ച സ്‌കൂളിൽ രക്ഷകർത്താവിനോടൊപ്പം സർട്ടിഫിക്കറ്റുകളുടെ അസ്സൽ സഹിതം ഹാജരാകണം.

വിദ്യാർത്ഥികൾക്ക് പ്രവേശനത്തിന് ആവശ്യമുള്ള അലോട്ട്‌മെന്റ് ലെറ്റർ അലോട്ട്‌മെന്റ് ലഭിച്ച സ്‌കൂളിൽ നിന്നും പ്രിന്റ് എടുത്ത് അഡ്മിഷൻ സമയത്ത് നൽകും. അലോട്ട്‌മെന്റ് ലഭിക്കുന്നവർ ഫീസടച്ച് സ്ഥിരപ്രവേശനം നേടണം. ഒന്നാം അലോട്ട്‌മെന്റിൽ താൽക്കാലിക പ്രവേശനം നേടിയവർക്ക് ഈ അലോട്ട്‌മെന്റിൽ മാറ്റമൊന്നും ഇല്ലെങ്കിൽ സ്ഥിരപ്രവേശനം നേടണം. ഉയർന്ന ഓപ്ഷനിലോ പുതുതായോ അലോട്ട്‌മെന്റ് ലഭിച്ച വിദ്യാർത്ഥികൾ അലോട്ട്‌മെന്റ് ലെറ്ററിലെ നിർദ്ദിഷ്ഠ സമയത്ത് സ്ഥിര പ്രവേശനം നേടണം.

പ്രവേശന സമയത്ത് ജനറൽ റവന്യൂവിൽ അടയ്‌ക്കേണ്ട ഫീസ്, സർട്ടിഫിക്കറ്റ് വെരിഫിക്കേഷനു ശേഷം കാൻഡിഡേറ്റ് ലോഗിനിലെ Fee payment എന്ന ലിങ്കിലൂടെ അടയ്ക്കണം. ഓൺലൈനായി ഫീസടക്കാൻ കഴിയാത്തവർക്ക് സ്‌കൂളിൽ ഫീസടയ്ക്കാം. അലോട്ട്‌മെന്റ് ലഭിച്ചിട്ടും പ്രവേശനം നേടാതിരിക്കുന്ന വിദ്യാർത്ഥികളെ തുടർന്നുള്ള സപ്ലിമെന്ററി അലോട്ട്‌മെന്റുകളിൽ പരിഗണിക്കില്ല. വിദ്യാർത്ഥികൾക്ക് തങ്ങൾ അപേക്ഷിച്ച ഓരോ സ്‌കൂളിലേയും കാറ്റഗറി തിരിച്ചുള്ള അവസാന റാങ്ക് വിവരങ്ങൾ പരിശോധിക്കാം.

അലോട്ട്‌മെന്റ് ലഭിക്കുന്ന വിദ്യാർത്ഥികളെല്ലാം നിർദ്ദിഷ്ഠ സമയത്ത് തന്നെ സ്‌കൂളുകളിൽ പ്രവേശനത്തിന് ഹാജരാകണമെന്ന് പൊതുവിദ്യാഭ്യാസ ഡയറക്ടർ അറിയിച്ചു. സ്‌പോർട്‌സ് ക്വാട്ട അലോട്ട്‌മെന്റ് റിസൾട്ട് ഏഴിന് രാവിലെ 10 മണി മുതൽ പ്രവേശനം സാധ്യമാകുന്നവിധം പ്രസിദ്ധീകരിക്കും.