കല്ലമ്പലം: കല്ലമ്പലം നാവായിക്കുളത്ത് തട്ടുപാലത്ത് സർവീസ് റോഡിൽ സ്കൂൾ വാഹനം ക്രെയിനിന് പിന്നിലിടിച്ച് അപകടം. അധ്യാപികമാർക്ക് പരിക്ക്. കല്ലമ്പലം ഭാഗത്തേക്ക് 7 അധ്യാപികമാരുമായി പോകുകയായിരുന്ന അയിരൂർ എംജിഎം സ്കൂളിലെ ബസ്സാണ് തട്ടു പാലത്തിന് സമീപം അപകടത്തിൽപ്പെട്ടത്. നിർത്തിയിട്ടിരുന്ന ക്രെയിനിന് പിന്നിലായി സ്കൂൾ വാഹനം വന്നിടിക്കുകയായിരുന്നു.
പരിക്കേറ്റവരെ പാരിപ്പള്ളി മെഡിക്കൽ കോളജ് ആശുപത്രിയിലേക്ക് മാറ്റിയിട്ടുണ്ട്. സ്കൂൾ ബസ് ഓടിച്ചിരുന്ന ഡ്രൈവർ മരണപ്പെട്ടു. നഗരൂർ നെടുംപറമ്പ് പദ്മതീർത്ഥത്തിൽ ഷാജി (58) ആണ് മരണപ്പെട്ടത്.
