പള്ളിക്കൽ: പകൽക്കുറി ഗവൺമെൻറ് വൊക്കേഷണൽ ഹയർസെക്കൻഡറി സ്കൂളിലെ പ്രതിഭാ സംഗമവും, എൻഡോവ്മെൻറ് വിതരണവും എസ് പി സി അഞ്ചാം ബാച്ചിന്റെ ഉദ്ഘാടനവും വർക്കല എംഎൽഎ അഡ്വക്കേറ്റ് വി.ജോയ് നിർവഹിച്ചു. പിടിഎ പ്രസിഡൻറ് മനു അധ്യക്ഷത വഹിച്ച യോഗത്തിൽ പ്രിൻസിപ്പാൾ ഷീല സ്വാഗതം പറഞ്ഞു.
പ്രശസ്ത സിനിമാ ടെലിവിഷൻ താരം ദീപു നാവായിക്കുളം വിശിഷ്ടാതിഥിയായിരുന്നു. ജില്ലാ പഞ്ചായത്ത് അംഗം ബേബി സുധ, പഞ്ചായത്ത് പ്രസിഡൻറ് ഹസീന, ഗ്രാമപഞ്ചായത്ത് വൈസ് പ്രസിഡൻറ് മാധവൻകുട്ടി, ബ്ലോക്ക് പഞ്ചായത്ത് അംഗം നിഹാസ്, സ്റ്റാൻഡിങ് കമ്മറ്റി ചെയർപേഴ്സൺ ഷീബ, സ്റ്റാന്റിംഗ് കമ്മിറ്റി ചെയർമാൻ എസ് എസ് ബിജു, പഞ്ചായത്ത് അംഗങ്ങളായ രഘുത്തമൻ, അനിൽ.പി, എം.പി. ടി. എ പ്രസിഡൻറ് ജൈനി, പ്രിൻസിപ്പാൾ നവാസ്, ഹെഡ്മിസ്ട്രസ് ലക്കി, സ്റ്റാഫ് സെക്രട്ടറി വിപിൻതുടങ്ങിയവർ പങ്കെടുത്തു.
