കിളിമാനൂർ: സ്കൂൾ കുട്ടികളുടെ ഉച്ച ഭക്ഷണത്തിനുള്ള തുക വർധിപ്പിക്കുക, കുടിശ്ശിക തുക എത്രയും വേഗം വിതരണംചെയ്യുക എന്നീ ആവശ്യങ്ങൾ ഉന്നയിച്ചു കൊണ്ട് കെപിഎസ്ടിഎ കിളിമാനൂർ ഉപജില്ലാ കമ്മിറ്റിയുടെ നേതൃത്വത്തിൽ കിളിമാനൂർ ഉപജില്ലാ വിദ്യാഭ്യാസ ഓഫീസിനു മുന്നിൽ കുത്തിയിരിപ്പ് സമരം സംഘടിപ്പിച്ചു.
ഉപജില്ലാ വൈസ് പ്രസിഡന്റ് ജി എൽ ലാജി യുടെ അധ്യക്ഷതയിൽ നടന്ന സമരത്തിന് ഉപജില്ലാ സെക്രട്ടറി പി എ സാജൻ സ്വാഗതം ആശംസിച്ചു. റവന്യൂ ജില്ലാ ട്രഷറർ ഷമീം കിളിമാനൂർ സമരപരിപാടി ഉദ്ഘാടനം ചെയ്തു. സംസ്ഥാന കൗൺസിൽ അംഗം എസ് സബീർ മുഖ്യ പ്രഭാഷണം നടത്തി. ജില്ലാ വൈസ് പ്രസിഡന്റ് എം ബിനുകുമാർ, അനൂപ് എം ജെ, മുഹമ്മദ് അൻസാർ എ എം, പി വിജയകുമാരി, പി ബിനു, അഭിലാഷ് കെ എസ്, രഞ്ജിത് വെള്ളല്ലൂർ, ജസ്ന എ, ജെഫ്ന. എ എസ് തുടങ്ങിയവർ സംസാരിച്ചു. ഉപജില്ലാ ട്രഷറർ അജീഷ് എസ് എസ് നന്ദി രേഖപ്പെടുത്തി.
