തിരുവനന്തപുരം: രാജ്യത്ത് ആദ്യമായി മങ്കിപോക്സ് രോഗം സ്ഥിരീകരിച്ച കൊല്ലം സ്വദേശി രോഗമുക്തി നേടിയതായി ആരോഗ്യ മന്ത്രി. മെഡിക്കല് കോളേജ് ആശുപത്രിയില് ചികിത്സയില് കഴിഞ്ഞ മുപ്പത്തിയഞ്ചുകാരനാണ് രോഗമുക്തി നേടിയത്. ഇയാളെ ഇന്ന് ഡിസ്ചാര്ജ് ചെയ്യുമെന്നും വീണ ജോർജ് പറഞ്ഞു.
ഇതിനിടെ, കേരളത്തില് റിപ്പോര്ട്ട് ചെയ്ത മങ്കിപോക്സ് വൈറസിന് തീവ്രവ്യാപന ശേഷിയില്ലെന്ന് ജനിതക ശ്രേണീകരണ ഫലം. എ 2 വിഭാഗത്തില് പെടുന്ന വകഭേദത്തെയാണ് കണ്ടെത്തിയിരിക്കുന്നതെന്ന് കേന്ദ്രസര്ക്കാരിന്റെ കീഴിലുള്ള ഇന്സ്റ്റിസ്റ്റ്യൂട്ട് ഓഫ് ജീനോമിക്സ് ആന്റ് ഇന്റഗ്രേറ്റീവ് ബയോളജി വ്യക്തമാക്കി. യൂറോപ്പില് ആശങ്കയുയര്ത്തുന്ന ബി വണ് വകഭേദത്തേക്കാള് വ്യാപന ശേഷി എ 2 വിന് കുറവാണ്.
