‘നിലം തൊട്ടനക്ഷത്രങ്ങൾ’; നോവലിന്റെ പരിചയപ്പെടുത്തലും അവതരണവും

കിളിമാനൂർ: കിളിമാനൂർ കലാസാഹിത്യ വേദിയുടേയും മെലിൻഡ ബുക്സിൻ്റെയും സംയുക്ത ആഭിമുഖ്യത്തിൽ കിളിമാനൂർ രാജാ രവിവർമ്മ ആർട്ട് ഗാലറിയിൽ
ഷാനവാസ് പോങ്ങനാടിൻ്റെ ‘നിലം തൊട്ടനക്ഷത്രങ്ങൾ’ എന്ന നോവൽ പരിചയപ്പെടുത്തലും അവതരണവും ചർച്ചയും സംഘടിപ്പിച്ചു. കഥാകൃത്തും നിരൂപകനുമായ ഡോ: എം.രാജീവ് കുമാറിൻ്റെ അദ്ധ്യക്ഷതയിൽ ചേർന്ന സമ്മേളനം എഴുത്തുകാരനും ചിത്രകാരനുമായ കാരയ്ക്കാമണ്ഡപം വിജയകുമാർ ഉൽഘാടനം ചെയ്തു. കഥാകൃത്തും നോവലിസ്റ്റുമായ സലിൻ മാങ്കുഴി നോവൽ പരിചയപ്പെടുത്തി. അഡ്വ. എസ്.കെ.സുരേഷ് മുഖ്യപ്രഭാഷണം നടത്തി. കിളിമാനൂർ കലാസാഹിത്യ വേദി സെക്രട്ടറി കുടിയേല ശ്രീകുമാർ സ്വാഗതവും ഷാനവാസ് പോങ്ങനാട് മറുമൊഴിയും കലാ സാഹിത്യ വേദി പ്രസിഡൻ്റ് എം.വിജയകുമാർ കൃതജ്ഞതയും രേഖപ്പെടുത്തി.