സ്വാതന്ത്ര്യ ദിനത്തോടനുബന്ധിച്ച് ഹാവെൻ ആഗോള സാഹിത്യ സംഘടന ഗവ. സ്കൂൾ കുട്ടികളായ 250-ൽ പരം യുവകവികളെ സമ്മാനങ്ങൾ നൽകി ആദരിച്ചു. സ്കൂൾ കുട്ടികളുടെ മൂന്നു കവിതാ സമാഹാരങ്ങളും ചെന്നെയിൽ സ്ഥിര താമസമാക്കിയ വിവിധ ഭാഷാ കവയിത്രി പങ്കജം കൊട്ടാരത്തിന്റെ പതിനൊന്ന് കഥാ- കവിതാ സമാഹാരങ്ങളും സായിഗ്രാം ഡയറക്ടർ അനന്ത കുമാർ കവിയും മുൻ ചീഫ് സെക്രറിയുമായ കെ ജയകുമാറിനു കൈമാറി പ്രകാശനം ചെയ്യുകയുണ്ടായി. ഒരു വ്യക്തിയുടെ ഇത്രയും പുസ്തകങ്ങൾ ഒരുമിച്ച് പ്രകാശനം ചെയ്യുന്നത് ഇതാദ്യമായാണ്.
പത്രപ്രവർത്തകൻ വിജയൻ പാലാഴിയുടെ സെറ്റപ്പ് എന്ന കൃതി അതേ പേരിൽ ബാലചന്ദ്രൻ നായരുടെ ഇംഗ്ലീഷ് വിവർത്തനവും ബാലചന്ദ്രൻ നായരുടെ കവിതയുടെ 50 ലോക ഭാഷകളിലുള്ള സ്റ്റീൽ എന്ന സമാഹാരവും പ്രകാശനം ചെയ്യപ്പെടുകയുണ്ടായി.
