എഐവൈഎഫ് ആറ്റിങ്ങൽ മണ്ഡലം കമ്മിറ്റിയുടെ നേതൃത്വത്തിൽ രക്തദാന ക്യാമ്പ് സംഘടിപ്പിച്ചു

ആറ്റിങ്ങൽ: എ ഐ വൈ എഫ് ജില്ലാ കമ്മിറ്റിയുടെ ആഹ്വാനപ്രകാരം മണ്ഡലം കേന്ദ്രങ്ങളിൽ നടക്കുന്ന രക്തദാന ക്യാമ്പയിന്റെ ഭാഗമായി ആറ്റിങ്ങൽ മണ്ഡലം കമ്മിറ്റിയുടെ നേതൃത്വത്തിൽ ആറ്റിങ്ങൽ ഭജനമഠം ഹാളിൽ രക്ത ദാനക്യാമ്പ് സംഘടിപ്പിച്ചു. സമരോത്സുക യൗവനം മാനവികതയ്ക്ക് ഒപ്പം എഐവൈഎഫ് ജീവധാര എന്ന മുദ്രാവാക്യമുയർത്തി സംഘടിപ്പിച്ച പരിപാടിയിൽ 50 ഓളം പ്രവർത്തകർ രക്തം നൽകി. ആറ്റിങ്ങൽ നഗരസഭ പൊതുമരാമത്ത് സ്റ്റാൻഡിങ് കമ്മിറ്റി ചെയർമാൻ അവനവഞ്ചേരി രാജു, മണ്ഡലം കമ്മിറ്റി അംഗം കെ ജി രാധാകൃഷ്ണപിള്ള, എഐവൈഎഫ് മണ്ഡലം സെക്രട്ടറി മുകുന്ദൻ ബാബു, എ ഐ എസ് എഫ് ജില്ലാ പ്രസിഡന്റ് പി എസ് ആന്റസ്, എഐവൈഎഫ് മണ്ഡലം പ്രസിഡന്റ് അക്ഷയ്. ആർ എന്നിവർ നേതൃത്വം നൽകി. എ ഐ എസ് എഫ് മണ്ഡലം പ്രസിഡന്റ് നവീൻ വി.എം, ആർ. രഞ്ജിത്ത്, ഗോകുൽ കൃഷ്ണൻ, ഗോപിചന്ദ്, ഗോകുൽ, ആരോമൽ കെ ജി, അനന്തു,എസ് .എസ്, ദർശന തുടങ്ങിയവർ പങ്കെടുത്തു.