പെൺക്കുട്ടികളോട് മോശമായി പെരുമാറിയയാൾ പോക്‌സോ കേസിൽ അറസ്റ്റിൽ

കൊല്ലമ്പുഴ ഭാഗത്തായി പെൺക്കുട്ടികളോട് നിരവധി തവണ അപമര്യാദയായി പെരുമാറിയ ആളിനെ പോക്‌സോ കേസിൽ ആറ്റിങ്ങൽ പോലീസ് അറസ്റ്റ് ചെയ്തു. കിഴുവിലം മുടപുരത്ത് ശിവകൃഷ്ണപുരം ക്ഷേത്രത്തിനു സമീപത്തുള്ള കുമാർ (55 )ആണ് അറസ്റ്റിൽ ആയത്. പതിനാലും പതിനഞ്ചും വയസുള്ള ഒറ്റയ്ക്ക് വരുന്ന പെൺകുട്ടികളോടാണ് ഇയാൾ അശ്ലീലം പറഞ്ഞു അടുത്തുകൂടി ശല്യം ചെയ്യുന്നത്. ആറു മാസം മുൻപും ഇയാൾ ഇത്തരം കേസിൽ അറസ്റ്റിൽ ആയിട്ടുണ്ട്. രണ്ട് പോക്‌സോ കേസുകളാണ് ഇയാൾക്ക് എതിരെ ഉള്ളത്.