ആറ്റിങ്ങൽ: ആറ്റിങ്ങൽ നഗരസഭയുടെ ഓണാഘോഷത്തിന് സ്വാഗതം അർപ്പിച്ചുകൊണ്ട് കലാഭവൻ മണി സേവന സമിതി റോഡ് ഷോ സംഘടിപ്പിച്ചു. നാടൻ പാട്ടുകളും നാടൻ കലാരൂപങ്ങളും കോർത്തിണക്കി ‘മതമേതായാലും മനുഷ്യൻ ഒന്നാകണം’ എന്ന സന്ദേശത്തോടെ മതമൈത്രി യാത്രയായിട്ടാണ് കലാഭവൻ മണി സേവന സമിതിയുടെ ഘോഷയാത്ര നഗരസഭയുടെ സാംസ്കാരിക ഘോഷയാത്രയ്ക് മുന്നിൽ വിളമ്പര ഘോഷയാത്രയായി പോയി ശ്രദ്ധ നേടിയത്. കലാഭവൻ മണി സേവന സമിതി പ്രസിഡന്റ് അജിൽ മണിമുത്ത് ഘോഷയാത്രയ്ക്ക് നേതൃത്വം നൽകി. സച്ചിന്റെ രൂപസാദൃശ്യം ശ്രദ്ധേയമായിരുന്നു. നിരവധി ബാലിക ബാലന്മാർ ഘോഷയാത്രയിൽ പങ്കെടുത്തു.
