പെരുമാതുറയിൽ ലഹരിക്ക് എതിരെ ജാഗ്രത സദസ്സ്

ചിറയിൻകീഴ്: ലഹരി എന്ന വിപത്തിൽ നിന്നും നമ്മുടെ ജനതയെ വിമുക്തമാക്കുവാൻ ലക്ഷ്യമിട്ട് ജാഗ്രതാ സമിതി ജില്ലയിൽ ഉടനീളം വിപുലമായ പ്രചാരണ കാമ്പയിനുകളുടെ ഭാഗമായി പെരുമാതുറയിൽ ജാഗ്രത സദസ്സ് സംഘടിപ്പിച്ചു. കേരള പോലസിന്റെ യോദ്ധാവ്, എക്സൈസ് വകുപ്പിന്റെ വിമുക്തി, തിരുവനന്തപുരം ആർ.സി.സി.യുടെ കമ്മ്യൂണിറ്റി ഓങ്കോളജി വകുപ്പുകളുടെ സഹകരണത്തോടെയാണ് ജാഗ്രതാ സദസ്സ് സംഘടിപ്പിച്ചത്. വർക്കല ഡിവൈഎസ്പി പി.നിയാസ് ഉദ്ഘാടനം ചെയ്തു. ജാഗ്രതാ സമിതി ചെയർമാൻ എം.എ.ലത്തീഫ് അധ്യക്ഷത വഹിച്ചു. എക്സൈസ് അസിസ്റ്റൻ്റ് കമ്മിഷണർ പി.കെ.ജയരാജ്, കഠിനംകുളം എസ്. ഐ. ഷിജു, നാസ്ഖാൻ, ശ്രീ ചന്ദ്, സുൽഫി, സഞ്ജു, നിസാം, മുനീർ, ഫിർദൗസ്, സക്കീർ, യാക്കൂബ്, റിസ്വാൻ എന്നിവർ സംസാരിച്ചു.