മുംബൈ: ഇന്ത്യന് ക്രിക്കറ്റില് ചരിത്രപരമായ തീരുമാനവുമായി ബിസിസിഐ. ഇന്ത്യന് പുരുഷ, വനിതാ താരങ്ങളുടെ മാച്ച് ഫീ തുല്യമായി ഏകീകരിച്ചു. ഇതോടെ പുരുഷ താരങ്ങള്ക്ക് സമാനമായ മാച്ച് ഫീ കരാറിലുള്ള വനിതാ താരങ്ങള്ക്ക് ലഭിക്കും. ടെസ്റ്റില് 15 ലക്ഷവും ഏകദിനത്തില് 6 ലക്ഷവും രാജ്യാന്തര ടി20യില് 3 ലക്ഷവുമാണ് വനിതാ താരങ്ങള്ക്ക് ഓരോ മത്സരങ്ങള്ക്കും പുരുഷന്മാരുടേതിന് സമാനമായി പ്രതിഫലം ലഭിക്കുക. എന്നാല് വാർഷിക പ്രതിഫലത്തിന്റെ കാര്യത്തില് പുതിയ പ്രഖ്യാപനമൊന്നുമില്ല.
