ആറ്റിങ്ങൽ ലീഗൽ സർവീസ് അതോറിറ്റിയുടെ ആഭിമുഖ്യത്തിൽ ആറ്റിങ്ങൽ സബ്ജയിലിൽ അന്തേവാസികൾക്കായി നിയമ ബോധവൽക്കരണ ക്ലാസ്സ് സംഘടിപ്പിച്ചു. ജില്ലാ ജഡ്ജിയും ആറ്റിങ്ങൽ ലീഗൽ അതോറിറ്റി ചെയർമാനുമായ സുരേഷ് കുമാർ. എസ് ഉദ്ഘാടനം നിർവഹിച്ചു. ആറ്റിങ്ങൽ സബ് ജയിൽ സൂപ്രണ്ട് ഡി. ആർ അജയകുമാർ അധ്യക്ഷനായി. ഡി പി ഒ പ്രബീഷ്. പി സ്വാഗതം ആശംസിച്ചു.
അഡ്വക്കേറ്റ് ഷാജിലാൽ, അഡ്വക്കേറ്റ് ലിഷ എന്നിവർ അന്തേവാസികൾക്കായി നിയമ ബോധവൽക്കരണ ക്ലാസ് എടുത്തു. ആറ്റിങ്ങൽ താലൂക്ക് ലീഗൽ സർവീസസ് അതോറിറ്റി സെക്രട്ടറി സുമ, ആറ്റിങ്ങൽ സബ് ജയിൽ അസിസ്റ്റൻറ് പ്രിസൺ ഓഫീസർ പ്രശാന്ത് എം. ഒ തുടങ്ങിയവർ ചടങ്ങിൽ പങ്കെടുത്തു.
