ആരാധകർ ഏറെ പ്രതീക്ഷയോടെ കാത്തിരിക്കുന്ന മമ്മൂട്ടി ചിത്രമാണ് കാതൽ. തമിഴ് താരം ജ്യോതികയാണ് ചിത്രത്തിൽ നായികയായി എത്തുന്നത്. ജിയോ ബേബി സംവിധാനം ചെയ്യുന്ന ചിത്രം നിർമിക്കുന്നതും മമ്മൂട്ടി തന്നെയാണ്. ഇപ്പോൾ ചിത്രത്തിന്റെ ഷൂട്ടിങ് പൂർത്തിയാക്കിയിരിക്കുകയാണ് മമ്മൂട്ടി. സെറ്റിലെ തന്റെ അവസാന ദിവസത്തിൽ അണിയറ പ്രവർത്തകർക്കായി സ്പെഷ്യൽ ട്രീറ്റും സൂപ്പർതാരം ഒരുക്കിയിരുന്നു.
ബിരിയാണിയാണ് മമ്മൂട്ടി വിളമ്പിയത്.
ഊർജ്ജസ്വലരായ ടീമിനൊപ്പമുള്ള വർക്ക് രസകരമായിരുന്നു എന്ന അടിക്കുറിപ്പിൽ മമ്മൂട്ടി തന്നെയാണ് ഷൂട്ടിങ് പൂർത്തിയാക്കിയ വിവരം പങ്കുവച്ചത്. മമ്മൂട്ടിയും ജ്യോതികയും ചേർന്ന് സഹപ്രവർത്തകർക്ക് ബിരിയാണി വിളമ്പിക്കൊടുക്കുന്നതിന്റെ ചിത്രങ്ങളും പോസ്റ്റ് ചെയ്തിട്ടുണ്ട്. ചിത്രങ്ങൾ സോഷ്യൽ മീഡിയയിൽ വൈറലാവുകയാണ്.
