സംസ്ഥാനത്ത് ഷവര്മ വില്പന നടത്തുന്ന സ്ഥാപനങ്ങള് സര്ക്കാര് നിര്ദേശം കര്ശനമായി പാലിക്കണമെന്ന് ആരോഗ്യവകുപ്പ്. സ്ഥാപനങ്ങള് മാനദണ്ഡങ്ങള് പാലിക്കുന്നുണ്ടോയെന്നും അറിയുന്നതിനായി ഭക്ഷ്യസുരക്ഷാ വകുപ്പിന്റെ പരിശോധനകള് കര്ശനമായി തുടരുമെന്ന് ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. ഒക്ടോബര്, നവംബര് മാസങ്ങളിലായി 942 കടകളിൽ പരിശോധനകള് നടത്തി. നിലവാരം ഉയര്ത്തുന്നതിനായി 284 സ്ഥാപനങ്ങള്ക്ക് നോട്ടീസ് നല്കി. സര്ക്കാര് നിര്ദ്ദേശം പാലിക്കാത്ത 168 സ്ഥാപനങ്ങള്ക്ക് പിഴ അടക്കുന്നതിന് നോട്ടീസ് നല്കുകയും 3.43 ലക്ഷം രൂപ ഫൈന് ആയി ഈടാക്കുകയും ചെയ്തു. അല്ലാത്തവര്ക്കെതിരെ കര്ശന നടപടികള് സ്വീകരിക്കുന്നതാണ്. പരിശോധനകള് വരും ദിവസങ്ങളിലും ശക്തമായി തുടരുന്നതാണെന്ന് മന്ത്രി വ്യക്തമാക്കി.
