മാമം ചൈതന്യ കുടുംബാംഗങ്ങളുടെ ആറു വർഷത്തെ കാത്തിരിപ്പിനു സമാപനം.
കിഴുവിലം ഗ്രാമ പഞ്ചായത്തിലെ അഞ്ചാം വാർഡ് ആറ്റിങ്ങൽ മുനിസിപ്പാലിറ്റിയിലെ
പതിനേഴാം വാർഡ് ഉൾപ്പെടുന്ന പ്രദേശമായ മാമം ചൈതന്യ ജംഗ്ഷനിലെ 200 കുടുംബാംഗങ്ങൾക്ക് വോൾട്ടേജ് ക്ഷാമം അനുഭവപ്പെട്ടതിനെത്തുടർന്ന് 2016 ആറ്റിങ്ങൽ കെഎസ്ഇബി എക്സിക്യൂട്ടീവ് എൻജിനീയറുടെ നിർദ്ദേശപ്രകാരം ചൈതന്യ ജംഗ്ഷനിൽ ഒരു ട്രാൻസ്ഫോമർ കൊണ്ടുവരികയും ഉദ്ഘാടനത്തിന് മുന്നേ തദ്ദേശവാസിയായ ഒരാൾ ആറ്റിങ്ങൽ കോടതിയിൽ കേസ് കൊടുത്തു ട്രാൻസ്ഫോമർ പ്രവർത്തിയ്ക്കുന്നതിനെതിരെ നിരോധന ഉത്തരവ് വരുകയും ചെയ്തു.
2021 മുതൽ ചൈതന്യ റസിഡൻസ് അസോസിയേഷൻ നൽകിയ നിരവധി അപേക്ഷകൾ പരിഗണിച്ച് ആറ്റിങ്ങൽ കെഎസ്ഇബിയിലെ E & AXE എന്നിവരുടെ കൂട്ടായ തീരുമാനപ്രകാരം നിലവിലെ ആറ്റിങ്ങൽ കെഎസ്ഇബി അസിസ്റ്റൻറ് എക്സിക്യൂട്ടീവ് എഞ്ചിനീയർ ബിനു അടിയന്തര നടപടികൾ സ്വീകരിക്കുകയും പുതുതായി ട്രാൻസ്ഫോമർ പരാതി നൽകിയ സ്ഥലവാസികളുടെ വസ്തുവിനെ സമീപത്തു നിന്നും മാറ്റി ചൈതന്യ ജംഗ്ഷനിൽ സ്ഥാപിക്കുകയും ചെയ്തു. ട്രാൻസ്ഫോർമറിന്റെ പ്രവർത്തന ഉദ്ഘാടനം ചിറയിൻകീഴ് ബ്ലോക്ക് പഞ്ചായത്ത് അംഗവും ചൈതന്യ റസിഡൻസ് അസോസിയേഷൻ പ്രസിഡന്റ് കൂടിയായ എ എസ് ശ്രീകണ്ഠൻ നിർവഹിച്ചു.
കിഴുവിലം ഗ്രാമപഞ്ചായത്ത് അഞ്ചാം വാർഡ് മെമ്പർ പ്രസന്ന, കെഎസ്ഇബി ഉദ്യോഗസ്ഥർ, അസോസിയേഷൻ ഭാരവാഹികൾ, ചൈതന്യ കുടുംബാംഗങ്ങൾ എന്നിവർ ചടങ്ങിൽ പങ്കെടുത്തു. ട്രാൻസ്ഫോർമർ അടിയന്തിരമായി ചൈതന്യ ജംഗ്ഷനിൽ സ്ഥാപിക്കുന്നതിന് നടപടികൾ കൈകൊണ്ട ആറ്റിങ്ങൽ ഇലക്ട്രിസിറ്റി സെക്ഷനിലെ അസിസ്റ്റന്റ് എൻജിനീയർ ബിനുവിനെ ആദരിച്ചു.
