കരവാരം പഞ്ചായത്തിലേയ്ക്ക് കുടുംബശ്രീ പ്രവർത്തകരുടെ മാർച്ചും ധർണ്ണയും ഉപരോധവും നടന്നു. കുടുംബശ്രീ അയൽക്കൂട്ടങ്ങൾക്ക് സംസ്ഥാന സർക്കാർ പിന്നോക്ക വികസന കോർപ്പറേഷൻ വഴി 4 % പലിശ നിരക്കിൽ വിതരണം ചെയ്യുന്ന വായ്പ എടുക്കുന്നതിന് തടസം നിൽക്കാതെ പഞ്ചായത്ത് കമ്മിറ്റിയിൽ അജണ്ട വച്ച് ചർച്ച ചെയ്യണമെന്ന് ആവശ്യപ്പെട്ട് അയൽക്കൂട്ട സഹോദരിമാർ കരവാരം സി ഡി എസിന്റെ നേതൃത്വത്തിൽ പഞ്ചായത്ത് ഓഫീസ് മാർച്ചും ധർണ്ണയും സംഘടിപ്പിച്ചു. സമരം ആറ്റിങ്ങൽ എം എൽ എ ഒ.എസ്സ് അംബിക ഉദ്ഘാടനം ചെയ്തു. ചെയർപേഴ്സൺ വിലാസിനി അദ്ധ്യക്ഷയായി.
നഗരൂർ ഗ്രാമപഞ്ചായത്ത് പ്രസിഡന്റ് ഡി. സ്മിത, കരവാരം ഗ്രാമ പഞ്ചായയത്ത് വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ സജീർ രാജകുമാരി, പഞ്ചായത്തംഗം ഫാൻസി വിഷ്ണു, മുൻപ്രസിഡന്റ് കെ സുഭാഷ സി പി ഐ എം ലോക്കൽ കമ്മിറ്റി സെക്രട്ടറിമാരായ എം. കെ രാധാകൃഷ്ണൻ, അഡ്വ: എസ് എം റഫീക്ക്, ബാങ്ക് പ്രസിഡന്റ് പി കൊച്ചനിയൻ, എസ്സ് മധുസൂദനക്കുറുപ്പ്, എസ്സ് .സുരേഷ്കുമാർ സി ഡി എസ് വൈസ് ചെയർ പേഴ്സൺ സീന എന്നിവർ സംസാരിച്ചു. തുടർന്ന് കുടുംബശ്രീപ്രവർത്തകർ പഞ്ചായത്ത് പ്രസിഡന്റിനെ ഉപരോധിച്ചു.
