ചിറയിൻകീഴ് താലൂക് ഗ്രന്ഥശാല പ്രവർത്തകരുടെ കൂട്ടായ്മ അന്ധ വിശ്വാസത്തിനും
അനാചാരത്തിനുമെതിരെ ശാസ്ത്ര വിചാരം പുലരാൻ എന്ന മുദ്രാവാക്യം ഉയർത്തി കൊണ്ട്
സംസ്ഥാന ലൈബ്രറി കൗൺസിൽ സംഘടിപ്പിച്ചിരിക്കുന്ന ജന ചേതന യാത്ര വിജയിപ്പിക്കാൻ ആറ്റിങ്ങലിൽ കൂടിയ ചിറയിൻകീഴ് താലൂക്കിലെ ലൈബ്രറി പ്രവർത്തകരുടെ കൂട്ടായ്മ തീരുമാനിച്ചു. ഡിസംബർ 23 ഉച്ചക്ക് 2.30നാണ് സംസ്ഥാന സെക്രട്ടറി വി. കെ. മധു നേതൃത്വം നൽകുന്ന ജാഥ ആറ്റിങ്ങൽ കച്ചേരി നടയിൽ എത്തി ചേരുന്നത്.
ആറ്റിങ്ങൽ സഹകരണ ഭവനിൽ ചേർന്ന കൂട്ടായ്മ ജില്ലാ ലൈബ്രറി കൗൺസിൽ പ്രസിഡന്റ് ബി. പി. മുരളി ഉദ്ഘാടനം ചെയ്തു. താലൂക് പ്രസിഡന്റ് എസ് വേണുഗോപാൽ ആദ്യക്ഷത വഹിച്ചു. സെക്രട്ടറി കെ.രാജേന്ദ്രൻ, എം മുരളിധരൻ, ജി. കൊച്ചു കൃഷ്ണ കുറുപ്പ്, എസ്. പ്രവീൺ ചന്ദ്ര, സുകേശൻ എന്നിവർ സംസാരിച്ചു.
