വിശ്വസാംസ്കാരിക നവോത്ഥാന കേന്ദ്രത്തിന്റെ സ്ഥാപക വാർഷികമായ നവംബർ 5 ന് തോന്നയ്ക്കൽ മഹാകവി കുമാരനാശാൻ സ്മാരകത്തിൽ വച്ച് ഗുരുമാർഗ്ഗം പ്രകാശ സഭയുടെ നേതൃത്വത്തിൽ സാംസ്ക്കാരിക ദിനം സംഘടിപ്പിച്ചു. ഗുരുമാർഗ്ഗം പ്രകാശ സഭ പ്രസിഡന്റ് ശശി ഉദയഭാനു അദ്ധ്യക്ഷനായിരുന്ന സാംസ്ക്കാരിക സമ്മേളനം ഡോ.ജോർജ്ജ് ഓണക്കൂർ ഉദ്ഘാടനം ചെയ്തു. ജനറൽ സെക്രട്ടറി സ്വാമി പദ്മപ്രകാശ ജ്ഞാനതപസ്വി മുഖ്യപ്രഭാഷണം നടത്തി. ഡോ.ബീന, ആനന്ദ്, ചന്ദ്രബാബു ചിറ്റേക്കാട്ട്, അജിത്ത് കുമാർ, റാം മനോഹർ എന്നിവർ സംസാരിച്ചു. ബ്രഹ്മശ്രീ കരുണാകരഗുരു വിഭാവനം ചെയ്ത വിശ്വ സാംസ്ക്കാരിക നവോത്ഥാന കേന്ദ്രം കാലഘട്ടത്തിന്റെ ആവശ്യമാണെന്നും ബ്രഹ്മശ്രീ കരുണാകര ഗുരുവിന്റെ ആശയം കാലഘട്ടത്തിന്റെ അനിവാര്യതയാണെന്നും അദ്ദേഹം പറഞ്ഞു.
