പാലക്കാട് ചിറ്റൂരിലെ പഴയ ഷുഗര് ഫാക്ടറിയില്നിന്ന് ഇനി പുറത്തിറങ്ങുക ബ്രാന്ഡി. 2002-ല് അടച്ചപൂട്ടിയ ഷുഗര് മില്, 2009-ല് മലബാര് ഡിസ്റ്റലറിയായി മാറിയെങ്കിലും വര്ഷങ്ങള്ക്ക് ശേഷമാണ് ഇവിടെനിന്ന് മദ്യം ഉത്പാദിപ്പിക്കാനുള്ള തീരുമാനമെടുത്തത്. അടുത്തവര്ഷം ഓണത്തിന് മുമ്പായി മലബാര് ഡിസ്റ്റലറിയില്നിന്നുള്ള മദ്യം വിപണിയിലെത്തിക്കാനാണ് കേരള ബിവറേജസ് കോര്പ്പറേഷന്റെ തീരുമാനം. ഇതിനായുള്ള പ്രാരംഭ നിര്മാണ പ്രവര്ത്തനങ്ങളെല്ലാം ഡിസ്റ്റലറിയില് ആരംഭിച്ചുകഴിഞ്ഞു.
മലബാര് ഡിസ്റ്റലറിയില്നിന്ന് ദിവസവും 12,000 കെയ്സ് മദ്യം ഉത്പാദിപ്പിക്കാനാണ് ലക്ഷ്യമിടുന്നത്. അടുത്തവര്ഷം പകുതിയോടെ ഫാക്ടറിയുടെയും പ്ലാന്റിന്റെയും നിര്മാണപ്രവര്ത്തനങ്ങള് പൂര്ത്തിയായേക്കും. ഇതിനുപിന്നാലെ തന്നെ ചിറ്റൂരില്നിന്നുള്ള പുതിയ ബ്രാന്ഡിയും വിപണിയിലെത്തും.
