മടവൂർ ബാലസുബ്രമണ്യ ക്ഷേത്രത്തിലെ ഉൽസവത്തിനിടെ യുവതിയെ ഉപദ്രവിച്ച കേസിൽ പ്രതി പള്ളിക്കൽ പോലീസിന്റെ പിടിയിൽ. മടവൂർ സ്വദേശിനിയായ യുവതിയെ ആക്രമിച്ച കേസിൽ പന്തളം പറന്തൽ പാലതടത്തിൽ വീട്ടിൽ അഖിൽ പ്രസന്നനെയാണ് പോലീസ് അറസ്റ്റ് ചെയ്തത്. യുവതിയെ ആക്രമിക്കുന്നത് കണ്ട് തടയാൻ ശ്രമിച്ച യുവതിയുടെ ഭർത്താവിനെയും പ്രതി ദേഹോപദ്രവം ചെയ്തു. ചൊവ്വാഴ്ച രാത്രി 11 മണിയോടെയാണ് സംഭവം. വിവരം ലഭിച്ച പള്ളിക്കൽ പോലീസ് സ്ഥലത്തെത്തി നടത്തിയ അന്വേഷണത്തിലാണ് പ്രതി അറസ്റ്റിലായത്. അറസ്റ്റിലായ പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
