വെഞ്ഞാറമൂട്ടിൽ സിപിഎമ്മിന്റെ ടൗൺ ബ്രാഞ്ച് കമ്മിറ്റി സെക്രട്ടറിയും ലോക്കൽ കമ്മിറ്റി അംഗവുമായ വാമദേവനെ അജ്ഞാതൻ വെട്ടി പരിഹേൽപ്പിച്ചു. കഴിഞ്ഞദിവസം രാത്രിയായിരുന്നു സംഭവം. വെഞ്ഞാറമൂട് മാണിക്കോട് സ്വദേശിയായ വാമദേവൻ(63) വീടിന്റെ ഗേറ്റിൽ നിൽക്കുമ്പോൾ ആയിരുന്നു അജ്ഞാതന്റെ ആക്രമണം. ഇരു കൈകൾക്കും വെട്ടേറ്റ വാമദേവന് തിരുവനന്തപുരത്ത് സ്വകാര്യ ആശുപത്രിയിൽ പ്രവേശിപ്പിച്ചു. എന്നാൽ സംഭവത്തിൽ രാഷ്ട്രീയമില്ലെന്നാണ് പോലീസ് പറയുന്നത്. രാത്രിയിൽ വീടിന്റ മുന്നിൽ വേസ്റ്റ് എറിഞ്ഞപ്പോൾ അതുവഴി പോയ ആരുടെയോ ദേഹത്ത് വീണു എന്നും അതിന് ശേഷമാണ് ആക്രമണം നടന്നത് എന്നുമാണ് വാമദേവൻ പോലീസിനോട് ആദ്യം പറഞ്ഞത്. എന്നാൽ ഇത് അത്ര വിശ്വസനീയമല്ലെന്ന് പോലീസ് പറഞ്ഞു. വീണ്ടും മൊഴി രേഖപ്പെടുത്തിയതിന് ശേഷം മാത്രമേ കാര്യങ്ങൾ വ്യക്തമാകുകയുള്ളൂ എന്നും വെഞ്ഞാറമൂട് പോലീസ് പറഞ്ഞു.
