റോഡ് പണിയ്ക്കായി കെട്ടിയ കയറിൽ കഴുത്ത് കുരുങ്ങി യുവാവിന് പരിക്കേറ്റു

പൂവൻപാറ പുളിമൂട്ടിൽ നിന്നും മണ്ണൂർ ഭാഗത്തേയ്ക്ക് പോകുന്ന വഴിയിൽ റോഡിൻറെ അറ്റകുറ്റ പണിയിയ്ക്കായി സ്ഥാപിച്ചിരുന്ന ബോർഡിൽ അലക്ഷ്യമായി കെട്ടിയ കയറിൽ കഴുത്ത് കുരുങ്ങി യുവാവിന് പരിക്കേറ്റു. ആലംകോട് മണ്ണൂർഭാഗം കിഴക്കതിൽ വീട്ടിൽ രാജാറാമിനാണ് അപകടം പറ്റിയത്. ഉടൻ തന്നെ ആശുപത്രിയിൽ എത്തിച്ചത് കൊണ്ട് ജീവൻ രക്ഷിക്കാനായി. മുന്നറിയിപ്പില്ലാതെ ഇത്തരം പണികൾ ചെയ്യുന്നതിലും അലക്ഷ്യമായി ചെയ്യുന്നതിലും നാട്ടുകാർ പ്രതിഷേധം പ്രകടിപ്പിച്ചു.