തിരുവാലപ്പുറത്ത് ദേവി ക്ഷേത്രത്തിൽ വിഷുപ്പുലരി മഹോത്സവം നടക്കുന്നു

തിരുവാലപ്പുറത്ത് ദേവി ക്ഷേത്രത്തിൽ വിഷു മുതൽ പത്താമുദയം വരെ വിഷുപ്പുലരി മഹോത്സവം നടക്കും. ഉത്സവത്തോടനുബന്ധിച്ച് എല്ലാ ദിവസവും സായാഹ്ന ഭക്ഷണവും കലാപരിപാടികളും സംഘടിപ്പിച്ചിരിക്കുന്നു. ഒന്നാം ദിവസമായ ഏപ്രിൽ 15ന് തൃക്കൊടിയേറി. ഏപ്രിൽ 16ന് സാംസ്‌കാരിക സമ്മേളനം സംഘടിപ്പിച്ചു.

മൂന്നാം ദിവസമായ ഇന്ന് വൈകിട്ട് 6:45ന് ക്ലാസിക്കൽ ഡാൻസ് ആൻഡ് മ്യൂസിക് ഷോ നടക്കും. നാലാം ദിവസം (ഏപ്രിൽ 18)ന് രാത്രി 9:00 ന് ഓട്ടൻതുള്ളൽ, അഞ്ചാം ദിവസം (ഏപ്രിൽ 19)ന് രാത്രി 8 ന് തൊടുപുഴ ലോഗോ ബീറ്റ്സ് അവതരിപ്പിക്കുന്ന മെഗാ ഹിറ്റ്‌ ഗാനമേള, ആറാം ദിവസം (ഏപ്രിൽ 20)ന് രാത്രി 8:00ന് ടീം തിരുവാലപ്പുറം അവതരിപ്പിക്കുന്ന ഡാൻസ് ഫ്യൂഷൻ ഷോയും സംഘടിപ്പിയ്ക്കും.

ഏഴാം ദിവസം (ഏപ്രിൽ 21)ന് രാവിലെ 8:00 ന് സമൂഹപൊങ്കാല തുടർന്ന് രാത്രി 6:45ന് അജയ് വെള്ളരിപ്പണ അവതരിപ്പിക്കുന്ന ഓൾഡ് ഈസ്‌ ഗോൾഡ് ഗാനമേള,
എട്ടാം ദിവസം (ഏപ്രിൽ 22) വൈകിട്ട് 8:00ന് ഡാൻസ് മെഗാഷോ, ഒൻപതാം ദിവസം (ഏപ്രിൽ 23)ന് രാവിലെ 10:30ന് തിരുവാലപ്പുറം സദ്യ തുടർന്ന് രാത്രി 6:45ന് സ്കൂൾ ഓഫ് ക്ലാസിക്കൽ ഡാൻസ് അവതരിപ്പിക്കുന്ന തൃയംബകം ഡാൻസ് ധമാക്കയും നടക്കും. ഏപ്രിൽ 24ന് വൈകിട്ട് 6:30ന് പുഷ്പാഭിഷേകവും തുടർന്ന് രാത്രി 8:00ന് തിരു ആറാട്ടോടു കൂടി ഉത്സവം സമാപിയ്ക്കും.