ചെറിയ പെരുന്നാൾ സംസ്ഥാനത്ത് വെള്ളി, ശനി ദിവസങ്ങളിൽ പൊതു അവധി

സംസ്ഥാനത്ത് വെള്ളിയാഴ്ച്ചയും ശനിയാഴ്ചയും സർക്കാർ ഓഫീസുകൾക്ക് അവധി
പ്രഖ്യാപിച്ചു. മാസപ്പിറവി ദൃശ്യമാകാത്തതിനാൽ കേരളത്തിൽ ചെറിയ പെരുന്നാൾ
ശനിയാഴ്ച ആയിരിക്കുമെന്ന് വിവിധ ഖാസിമാർ അറിയിച്ചിരുന്നു. ഇതിന്റെ
പശ്ചാത്തലത്തിലാണ് ശനിയാഴ്ചയും സർക്കാർ അവധി പ്രഖ്യാപിച്ചത്.
നേരത്തെ വെള്ളിയാഴ്ചയായിരുന്നു അവധി. ഇതോടെ വെള്ളി,​ ശനി ദിവസങ്ങളിൽ
സംസ്ഥാനത്ത് പൊതു അവധി ആയിരിക്കും. റംസാൻ 30 പൂർത്തിയാക്കിയാണ് വിശ്വാസികൾ ചെറിയ പെരുന്നാൾ ആഘോഷിക്കുന്നത്,​ അഞ്ച് വെള്ളിയാഴ്ചകൾ ലഭിക്കുന്ന മാസം എന്ന പ്രത്യേകതയും ഇത്തവണ റംസാനുണ്ട്.