ബംഗളൂരു: സിപിഎം ഏറെ പ്രതീക്ഷ പുലര്ത്തിയ ബാഗേപ്പള്ളിയില് കോണ്ഗ്രസിന് വിജയം. കോണ്ഗ്രസ് സ്ഥാനാര്ഥി എസ് എന് സുബ്ബറെഡ്ഡിയാണ് ജയിച്ചത്. ബിജെപി സ്ഥാനാര്ഥി സി മുനിരാജാണ് രണ്ടാം സ്ഥാനത്ത്. സിപിഎം സ്ഥാനാര്ഥി ഡോ. അനില്കുമാര് മുന്നാമതാണ്.
നിലവിലെ സിറ്റിങ് എംഎല്എയാണ് എസ് എന് സുബ്ബറെഡ്ഡി. കഴിഞ്ഞ തവണ മണ്ഡലത്തില് മുന്നാമത് ആയിരുന്നു ബിജെപി. പതിനഞ്ച് സ്ഥാനാര്ഥികളായിരുന്നു മത്സരരംഗത്തുണ്ടായിരുന്നത്. കഴിഞ്ഞ തവണ രണ്ടാമത് എത്തിയ ജെഡിഎസ് ഇത്തവണ മത്സരരംഗത്തുണ്ടായിരുന്നില്ല.
