കാട് വിട്ട് നാട്ടിലെത്തിയ മാൻ കൗതുകമായി

കാട് വിട്ട് നാട്ടിലെത്തിയ മാൻ കൗതുകമായി. ആറ്റിങ്ങൽ പൂവണത്തും മൂട് കോടാലി കോണത്താണ് മാനിനെ കണ്ടെത്തിയത്. ഇന്ന് വൈകുന്നേരത്തോടെ പഴുത്ത ചക്കപ്പഴം തിന്നുന്നത് നാട്ടുകാരുടെ ശ്രദ്ധയിൽപ്പെടുകയും ഫോട്ടോ പകർത്തുന്നതിനിടയിൽ മാൻ ഓടി മറയുകയായിരുന്നു. ഈ പ്രദേശത്ത് കുരങ്ങ് ശല്യം കൂടുതലാണെന്നും പറയുന്നുണ്ട്. കഴിഞ്ഞ ദിവസങ്ങളിലും പൂവണത്തും മൂട് പ്രദേശത്ത് മാനിന്റെ സാന്നിദ്ധ്യം കണ്ടതായി നാട്ടുകാർ പറയുന്നു.