മീനാക്ഷിയുടെ വീട് എം പി അടൂർ പ്രകാശ് സന്ദർശിച്ചു. എം പി ആശുപത്രിയിൽ നിന്നും ഡിസ്ചാർജ് ചെയ്ത് വീട്ടിലേയ്ക്ക് പോകും വഴിയാണ് മരണപ്പെട്ട ആറ്റിങ്ങൽ പിരപ്പൻകോട്ടുകോണം സ്വദേശി മീനാക്ഷിയുടെ വീട്ടിൽ പോയി മാതാപിതാക്കളെയും ബന്ധുക്കളെയും സന്ദർശിച്ചത്.
അലർജി ബാധിച്ച് തിരുവനന്തപുരം മെഡിക്കൽ കോളേജിൽ ചികിത്സ തേടിയ പ്ലസ് ടു വിദ്യാർത്ഥിനി മീനാക്ഷി ആശുപത്രിയിൽ നിന്നും ഡിസ്ചാർജ് ചെയ്ത് വീട്ടിലേക്ക് പോകുന്ന വഴി രോഗം കൂടുതലാവുകയും തിരികെ ആശുപത്രിയിൽ എത്തിയപ്പോഴേക്കും മരണം സംഭവിക്കുകയും ആയിരുന്നു.
ഏറെ വേദനാജനകമായ ഈ സംഭവത്തിൽ ആശുപത്രി അധികൃതരുടെ ഭാഗത്ത് ഉണ്ടായ അലംഭാവവും ചികിത്സ പിഴവുമാണ് മരണ കാരണം എന്നാണ് ബന്ധുക്കൾ പറയുന്നത്. ഇത് അന്വേഷണം നടത്തി കണ്ടുപിടിക്കാനും കുടുബത്തിന് നീതിയും സഹായവും നൽകാൻ സർക്കാർ തയ്യാറാവണമെന്നും എം പി പറഞ്ഞു.
