പുനർമൂല്യനിർണ്ണയത്തിൽ മുഴുവൻ പേരേയും വിജയിപ്പിപ്പ് നൂറുമേനി വിജയം കൊയ്ത് അവനവഞ്ചേരി ഗവ. ഹൈസ്കൂൾ മികവ് ആവർത്തിച്ചു. 270 പേർ പരീക്ഷ എഴുതിയതിൽ നേരത്തേ 269 പേരും വിജയിച്ചിരുന്നു. ഒരു കുട്ടിയ്ക്ക് ഒരു വിഷയത്തിന് മാത്രം ജയിക്കാനായിരുന്നില്ല. പുനർ മൂല്യനിർണയ ഫലം വന്നപ്പോൾ ആ കുട്ടിയും വിജയിച്ചതോടെയാണ് ഈ നേട്ടം സ്കൂളിന് കൈവരിക്കാനായത്.
ഇത്രയും കൂടാതെ 4 പേർക്ക് കൂടി മുഴുവൻ വിഷയങ്ങൾക്കും എ പ്ലസ് ലഭിച്ചതോടെ എ പ്ലസ് നേട്ടം 57 ആയി. വിജയികളെ പി.റ്റി.എ. യും അധ്യാപകരും അനുമോദിച്ചു.
പുനർമൂല്യനിർണയത്തിലൂടെ മുഴുവൻ വിഷയങ്ങൾക്കും എ പ്ലസ് വിജയം നേടിയ അവനവഞ്ചേരി ഗവ. ഹൈസ്കൂളിലെ വി. ഗായത്രി, അനുശ്രീ പ്രകാശ്, യു.ബി. ഗോകുൽകൃഷ്ണ, എസ്.എസ്. പൗർണ്ണമി.
