പുരവൂർ: പുരവൂർ ഗവ.എസ്.വി.യു.പി.സ്കൂളിൽ വായനദിനം സമുചിതമായി ആഘോഷിച്ചു. കിഴുവിലം ഗ്രാമ പഞ്ചായത്ത് ക്ഷേമകാര്യ സ്റ്റാൻ്റിംഗ് കമ്മിറ്റി ചെയർമാൻ ഗോപകുമാർ വായന മാസാചരണ പരിപാടികളുടെ ഉദ്ഘാടനം നിർവ്വഹിച്ചു. വാർഡ് മെമ്പർ ആശ.സി അമ്മ വായന ഉദ്ഘാടനം ചെയ്തു. കുഞ്ഞിക്കൈയ്യിലൊരു കുഞ്ഞു പുസ്തകം പരിപാടിയിൽ ആറാം വാർഡ് മെമ്പർ അനീഷ് കുട്ടികളിൽ നിന്ന് പുസ്തകം സ്വീകരിച്ചു. സാഹിത്യകാരനും ഐക്യമലയാള പ്രസ്ഥാനം കൺവീനറുമായ ആർ നന്ദകുമാർ മുഖ്യ പ്രഭാഷണം നടത്തി. സ്കൂൾ വിദ്യാരംഗം കലാ സാഹിത്യ വേദിയുടെ ഔപചാരികമായ ഉദ്ഘാടനവും അദ്ദേഹം നിർവ്വഹിച്ചു. തുടർന്ന് വായനദിനവുമായി ബന്ധപ്പെട്ട വിവിധ പരിപാടികൾ കുട്ടികൾ അവതരിപ്പിച്ചു.
