കനത്ത കാറ്റിൽ സ്കൂളിന്റെ ഓടിളകി വീണ് അധ്യാപികയ്ക്കും വിദ്യാർത്ഥിക്കും പരിക്ക്

പാലക്കാട്: സ്കൂളിന്റെ മേൽക്കൂരയിലെ ഓടിളകി താഴെ വീണ് അധ്യാപികയ്ക്കും കുട്ടിക്കും പരിക്കേറ്റു. ഒറ്റപ്പാലം പനമണ്ണ ദേശബന്ധു എൽപി സ്കൂളിൽ ഇന്ന് വൈകിട്ടാണ് അപകടം. സ്കൂൾ വിടുന്നതിന് തൊട്ടുമുൻപായിരുന്നു സംഭവം. ഈ സമയത്ത് പ്രദേശത്ത് ശക്തമായ കാറ്റും മഴയുമുണ്ടായിരുന്നു. കനത്ത കാറ്റിൽ മേൽക്കൂരയിലെ ഓടിളകി താഴേക്ക് വീഴുകയായിരുന്നു. അധ്യാപിക ശ്രീജ, നാലാം ക്ലാസ് വിദ്യാർഥി ആദർശ് എന്നിവർക്കാണ് പരിക്കേറ്റത്. അധ്യാപികയുടെ തലയ്ക്കും വിദ്യാർത്ഥിയുടെ കൈക്കുമാണ് പരിക്കേറ്റത്.