ഡല്ഹി: ബഹിരാകാശ ദൗത്യത്തിലെ നിര്ണായക നേട്ടം കൈവരിച്ചതിന് പിന്നാലെ; ഇന്ത്യയുടെ ദേശീയ ചിഹ്നമായ അശോക സ്തംഭവും ഐഎസ്ആര്ഒയുടെ ലോഗോയും ചന്ദ്രോപരിതലത്തില് പതിപ്പിച്ച് ചന്ദ്രയാന്. ചന്ദ്രയാനിലെ പ്രഗ്യാന് റോവറിന്റെ ചക്രങ്ങള് ചന്ദ്രനില് പതിച്ചതോടെയാണ് ഇന്ത്യയുടെ അഭിമാനം വാനോളമുയര്ത്തി അശോക സ്തംഭവും ഐഎസ്ആര്ഒയുടെ പേരും പതിഞ്ഞത്.
41 ദീവസം നീണ്ട ദൗത്യത്തിനൊടുവിലാണ് ചന്ദ്രയാന്-3 ഇന്നലെ വൈകീട്ട് 6.04 ന് ചന്ദ്രോപരിതലത്തില് ഇറങ്ങിയത്. ചന്ദ്രയാന് 3 യിലെ ലൂണാര് മൊഡ്യൂളില് വിക്രം ലാന്ഡര്, 26 കിലോ ഭാരമുള്ള പ്രഗ്യാന് റോവര് എന്നിവ അടങ്ങിയിരിക്കുന്നു.
