സിപിഐഎം ഊരുപൊയ്ക ബ്രാഞ്ച് അംഗമായിരുന്ന വിശ്വനാഥൻ നായരുടെ ചരമദിനമായ സെപ്റ്റംബർ 20 ന് ഊരൂ പൊയ്കയിൽ അനുസ്മരണ സമ്മേളനം സംഘടിപ്പിച്ചു. അനുസ്മരണ സമ്മേളനം സിപിഐഎം തിരുവന്തപുരം ജില്ലാ കമ്മിറ്റി അംഗം സ. കെ പി പ്രമോഷ് ഉത്ഘാടനം ചെയ്തു. കെ അനിൽകുമാർ അധ്യക്ഷത വഹിച്ച യോഗത്തിൽ പാർട്ടി ജില്ലാ കമ്മിറ്റി അംഗം സ. വി എ വിനീഷ്, ഇടക്കോട് ലോക്കൽ കമ്മിറ്റി സെക്രട്ടറി ബി. രാജീവ്, ബ്ലോക്ക് പഞ്ചായത്ത് മെമ്പർ നന്ദുരാജ് എന്നിവർ സംസാരിച്ചു.
യോഗത്തിൽ എസ് എസ് എൽ സി, പ്ലസ് ടു പരീക്ഷകളിൽ ഉന്നതവിജയം കൈവരിച്ച വിദ്യാർത്ഥികൾക്ക് ഉപഹാരവും നിർധനരായ രോഗികൾക്ക് ചികിത്സാ ധനസഹായവും നൽകി. എസ്.ബിജുകുമാർ സ്വാഗതവും ബ്രാഞ്ച് സെക്രട്ടറി ബി.സുശീലൻ നന്ദിയും രേഖപ്പെടുത്തി.
