ഉണങ്ങിയ മരം വഴി യാത്രക്കാർക്ക് ഭീഷണിയാകുന്നു

ആറ്റിങ്ങൽ: ഉണങ്ങിയ മരം വഴിയാത്രക്കാർക്ക് ഭീഷണിയാകുന്നു. ചെറുവള്ളി മുക്ക് മാമം പട്ടം തണുവിള റോഡിലാണ് ഏറെ നാളായി ഉണങ്ങിയ മരം അപകടകരമായ രീതിയിൽ നിൽക്കുന്നത്. നിരവധി തവണ ആൾക്കാർ പരാതിപ്പെട്ടെങ്കിലും മരം മുറിച്ചു മാറ്റാൻ അധികൃതർ ആരും തന്നെ തയ്യാറാകുന്നില്ല എന്നാണ് നാട്ടുകാരുടെ പരാതി. അപകടം നടന്നിട്ട് എത്തുന്നതിനേക്കാൾ അതിനു മുൻപ് തന്നെ ഈ മരം മുറിച്ചു മാറ്റണമെന്നാണ് നാട്ടുകാരുടെ ആവശ്യം.