പ്രായപൂർത്തിയാകാത്ത പെൺകുട്ടിയെ ഉപദ്രവിച്ച പ്രതി പിടിയിൽ

കടയ്ക്കാവൂർ: പ്രായപൂർത്തിയാകാത്ത പെൺകുട്ടിയെ സ്നേഹം നടിച്ച് മാനസികമായും ശാരീരികമായും ഉപദ്രവിച്ച കേസിലെ പ്രതിയെ കടയ്ക്കാവൂർ പോലീസ് പിടികൂടി. കൂന്തള്ളൂർ വലിയഏല തോട്ടവാരം സുരേഷ് ഭവനിൽ വിഷ്ണു (23) വാണ് പിടിയിലായത്. പ്രതിയുമായുള്ള സ്നേഹബന്ധം ഉപേക്ഷിച്ചതിലുള്ള വൈരാഗ്യത്തിൽ പ്രതി പെൺകുട്ടിയെ പിന്തുടർന്ന് വർക്കല പുത്തൻചന്തയിൽ വച്ച് ദേഹോപദ്രവമേൽപ്പിക്കുകയും മൊബൈൽ ഫോൺ എറിഞ്ഞു പൊട്ടിക്കുകയും ചെയ്തതിനുശേഷം ഒളിവിൽ പോവുകയായിരുന്നു. വർക്കല എ.എസ്.പി യുടെ നിർദ്ദേശപ്രകാരം കടയ്ക്കാവൂർ എസ്.എച്ച്.ഒ സജിൻ ലൂയിസ്, എസ്.ഐ സജിത്ത്, എസ്.സി.പി.ഒ ബാലു, പ്രേംകുമാർ, അനീഷ് എന്നിവരടങ്ങുന്ന സംഘമാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.