ന്യൂഡല്ഹി: പ്രതിപക്ഷമായ ഇന്ത്യ മുന്നണിയിലെ നേതാക്കളുടേയും മാധ്യമപ്രവര്ത്തകരുടേയും മൊബൈല് ഫോണുകളും ഇ മെയിലുകളും കേന്ദ്രസര്ക്കാര് വ്യാപകമായി ചോര്ത്തിയതായി ആരോപണം. ശശി തരൂര്, മഹുവ മൊയ്ത്ര, പ്രിയങ്ക ചതുര്വേദി തുടങ്ങിയവരാണ് പരാതിയുമായി രംഗത്തെത്തിയത്. ഹാക്കിങ് മുന്നറിയിപ്പ് നല്കി ആപ്പിള് നല്കിയ സന്ദേശം നേതാക്കള് പുറത്തു വിട്ടു.
സിപിഎം ജനറല് സെക്രട്ടറി സീതാറാം യെച്ചൂരി, കോണ്ഗ്രസ് നേതാക്കളായ ശശി തരൂര്, പവന് ഖേര, സമാജ് വാദി പാര്ട്ടി അധ്യക്ഷന് അഖിലേഷ് യാദവ്, തൃണമൂല് കോണ്ഗ്രസ് എംപി മഹുവ മൊയ്ത്ര, എഎപി നേതാവ് രാഘവ് ഛദ്ദ തുടങ്ങിയവരുടെ ഫോണുകള് ചോര്ത്തിയതായാണ് ആരോപണം.
