‘ആലുവ റെയിൽവേ സ്റ്റേഷനിൽ ബോംബ്’: രാത്രിയിൽ ഭീഷണി സന്ദേശം, അരിച്ചുപെറുക്കി സുരക്ഷാസേന

കൊച്ചി: ആലുവ റെയിൽവേ സ്റ്റേഷനിൽ ബോംബ് ഭീഷണി സന്ദേശം. ഇന്നലെ രാത്രി 11 മണിയോടെയാണ് അജ്ഞാത സന്ദേശം എത്തിയത്. തുടർന്ന് ബോംബ് സ്ക്വാഡും ഡോ​ഗ് സ്ക്വാഡും ചേർന്ന് പരിശോധന നടത്തി.

സ്റ്റേഷനിൽ ബോംബ് വച്ചിട്ടുണ്ടെന്നും പെട്രോൾ ബോംബ് എറിയുമെന്നുമായിരുന്നു സന്ദേശം. തമിഴ്നാട്ടിൽ നിന്ന് തിരുവനന്തപുരം റെയിൽവേ കൺട്രോൾ റൂമിലേക്കാണ് ഭീഷണിയെത്തിയത്. ഫോൺ വിളിച്ചത് ആരാണെന്ന് കണ്ടെത്താനായിട്ടില്ല. ഭീഷണി സന്ദേശത്തെ തുടർന്ന് നടത്തിയ പരിശോധനയിൽ ഏതാനും ട്രെയിനുകൾ വൈകി.