കല്ലിൻമൂട് അങ്കണവാടിയിൽ സംഘടിപ്പിച്ച ക്രിസ്തുമസ് ആഘോഷം ഗംഭീരമായി. ആഘോഷങ്ങൾ നാടിന്റെ കൂട്ടായ്മകൾക്ക് കൃത്യമായ ദിശ ബോധം നൽകുമെന്ന് ആഘോഷം ഉദ്ഘാടനം ചെയ്ത് വാർഡു മെമ്പർ പൂവണത്തുംമൂട് മണികണ്ഠൻ പറഞ്ഞു. അങ്കണവാടിവർക്കർ റീജപ്രശീലൻ, വാർഡു സമിതി ഭാരവാഹികളായ സബീന, തങ്കമണി സിന്ധു വയോജന ക്ലബ് അംഗങ്ങൾ, രക്ഷകർത്താക്കൾ, നാട്ടുകാർ തുടങ്ങിയവർ പങ്കെടുത്തു. കുട്ടികൾ പരസ്പരം ക്രിസ്തുമസ് സമ്മാനങ്ങൾ കൈമാറി. കേക്കു മുറിച്ചും, മധുരം നൽകിയും പുൽകൂട് ഒരുക്കിയും ആഘോഷം ഗംഭീരമായി.
