തിരുവനന്തപുരം: പ്രണയം നിരസിച്ചതിന്റെ പേരില് യുവതിയെ കഴുത്തറുത്ത് കൊലപ്പെടുത്താന് ശ്രമിച്ചു. ഗുരുതരമായി പരിക്കേറ്റ കല്ലിയൂര് സ്വദേശിയായ 22കാരിയെ മെഡിക്കല് കോളജ് ആശുപത്രിയില് പ്രവേശിപ്പിച്ചു. യുവതിയെ ആക്രമിച്ച ശേഷം രക്ഷപ്പെട്ട പ്രാവച്ചമ്പലം അരിക്കടമുക്ക് സ്വദേശിയായ പ്രതി ആരിഫിനായി പൊലീസ് പരിശോധന ഊര്ജിതമാക്കി.
ഇന്നലെ രാത്രി 7 മണിയോടെ പ്രാവച്ചമ്പലം കോണ്വന്റ് റോഡിലാണ് സംഭവം. ഡിഗ്രി വിദ്യാര്ഥിയാണ് പെണ്കുട്ടി. ക്ലാസ് കഴിഞ്ഞ് വീട്ടിലേക്ക് വരുന്നതിനിടെ വഴിയില് കാത്തുനിന്ന ആരിഫ് ആക്രമിക്കുകയായിരുന്നെന്ന് പൊലീസ് പറഞ്ഞു.
