വൈദ്യുതി പ്രതിസന്ധി രൂക്ഷമായ സാഹചര്യത്തിൽ സംസ്ഥാനത്ത് ലോഡ് ഷെഡിംഗ് ഏർപ്പെടുത്തുമോയെന്ന് ഇന്നറിയാം. വൈദ്യുതി മന്ത്രി കെ കൃഷ്ണൻകുട്ടിയുടെ അധ്യക്ഷതയിൽ ഇന്ന് ഉന്നതതല യോഗം ചേരും. ലോഡ് ഷെഡിംഗ് വേണമെന്ന കെഎസ്ഇബിയുടെ ആവശ്യം ചർച്ച ചെയ്യുന്നതിനായാണ് യോഗം
നിലവിലെ സ്ഥിതിഗതികൾ യോഗത്തിൽ വിശദമായി ചർച്ച ചെയ്യും. ലോഡ് ഷെഡിംഗ് ആവശ്യമായി വന്നാൽ മുഖ്യമന്ത്രിയുടെ അനുമതി കൂടി തേടും. ഇതിന് ശേഷമേ തീരുമാനം പ്രഖ്യാപിക്കുകയുള്ളു. സംസ്ഥാനത്ത് കൊടും ചൂട് തുടരുന്ന സാഹചര്യത്തിൽ വൈദ്യുതി ഉപഭോഗവും സർവകാല റെക്കോർഡിലാണ്
കൂടുതൽ വൈദ്യുതി ഉപയോഗിക്കുമ്പോൾ പലയിടങ്ങളിലും ട്രാൻസ്‌ഫോർമറുകൾ കേടുവരുന്നുണ്ട്. വൈദ്യുതി വിതരണം നിലയ്ക്കുന്നത് വലിയ പ്രതിഷേധത്തിനും ഇടയാക്കിയിട്ടുണ്ട്. ഇതേ തുടർന്നാണ് നിയന്ത്രണം വേണമെന്ന നിലപാട് കെ എസ് ഇ ബി സ്വീകരിച്ചത്.
