ആറ്റിങ്ങൽ കുന്നുവാരം യു.പി. സ്കൂളിൽ അഡ്മിഷൻ മേളയ്ക്കു തുടക്കമായി

ആറ്റിങ്ങൽ കുന്നുവാരം യു.പി. സ്കൂളിൽ 2024-25 അദ്ധ്യയന വർഷത്തിലേയ്ക്കുള്ള അഡ്മിഷന് വർണാഭമായ തുടക്കം. നവാഗതർക്കായി ഒരുക്കിയ സെൽഫി കോർണർ, സ്നേഹോപഹാരം എന്നിവ കുട്ടികളെയും രക്ഷിതാക്കളെയും ഒരുപോലെ ആകർഷിച്ചു. മെയ് 6 മുതൽ 10 വരെ നീണ്ടു നിൽക്കുന്ന അഡ്മിഷൻ മേളയുടെ ഉദ്ഘാടനം സ്കൂൾ മാനേജർ എ ശശിധരൻ നായർ നിർവഹിച്ചു. രക്ഷിതാക്കൾ മാനേജ്മെൻ്റ് കമ്മിറ്റി അംഗങ്ങൾ, അദ്ധ്യാപകർ, പൂർവ്വ വിദ്യാർത്ഥികൾ എന്നിവർ ചടങ്ങിൽ പങ്കെടുത്തു.