ആറ്റിങ്ങൽ: രാത്രി വീടിന് നേരെ സാമൂഹിക വിരുദ്ധ ആക്രമണം. ഗ്ലാസ് ചില്ലുകൾ എറിഞ്ഞു തകർത്തു. ആലംകോട് വൊക്കേഷണൽ ഹയർ സെക്കന്ററി സ്കൂളിന് സമീപം സഫറുദീന്റെ വീട് ആണ് സാമൂഹിക വിരുദ്ധർ ആക്രമിച്ചത്. ശനിയാഴ്ച രാത്രി എട്ടോടെയാണ് സംഭവം. ഉഗ്രശബ്ദം കേട്ട് വീട്ടുകാർ നോക്കിയപ്പോൾ വീടിന് നേരെ കല്ലേറ് ഉണ്ടാകുന്നത് ആണ് കണ്ടത്. പാറക്കല്ലുകൾ കൊണ്ടുള്ള ഏറിൽ സിറ്റൗട്ടിൽ സ്ഥാപിച്ചിരുന്ന ഗ്ലാസ് ചില്ലുകൾ പൂർണ്ണമായും തകർന്നു. കിടപ്പ് മുറിയുടെ ചുവരിലും കല്ലേറ് കൊണ്ടു. വീട്ടുകാർ അറിയിച്ചത് അനുസരിച്ച് നഗരൂർ പോലീസ് സ്ഥലത്തെത്തി തെളിവെടുത്തു.
