കുടിവെള്ളം കിട്ടാതെ നട്ടംതിരിഞ്ഞ് നെടുങ്ങണ്ട നിവാസികൾ : പ്രതിഷേധവുമായി ബിജെപി

അഞ്ചുതെങ്ങ് നെടുങ്ങണ്ടയിൽ കുടിവെള്ളം ലഭിച്ചിട്ട് പത്തോളം ദിവസമാകുന്നു. നെടുങ്ങണ്ട മലവിള പ്രദേശം ഉൾപ്പെടുന്ന ഏരിയയിൽ ഭൂരിഭാഗം ജനങ്ങളും പൈപ്പ് ജലം ആശ്രയിച്ചാണ് ജീവിക്കുന്നത്. എന്നാൽ പത്തു ദിവസത്തോളമായിട്ടും കുടിവെള്ളം ലഭിക്കാത്തതിൽ പ്രതിഷേധിച്ച് ബിജെപി നെടുങ്ങണ്ട ബൂത്ത് കമ്മിറ്റി കേരള വാട്ടർ അതോറിറ്റിക്ക് പരാതി നൽകി. സാധാരണ ജനങ്ങളുടെ കുടിവെള്ളം മുട്ടിയിട്ടും അതിനെതിരെ ഒരു വാക്കുപോലും ഉരിയാടാത്ത ഭരണപക്ഷം തീർത്തും പരാജയം ആണെന്ന് ബിജെപി ആരോപിച്ചു.