തൊഴിലുറപ്പ് തൊഴിലാളിക്ക് പാമ്പ് കടിയേറ്റു

ആറ്റിങ്ങൽ: തൊഴിലുറപ്പ് തൊഴിലാളിക്ക് പാമ്പ് കടിയേറ്റു. കടയ്ക്കാവൂർ ഗ്രാമ പഞ്ചായത്തിലെ തൊഴിലുറപ്പ് തൊഴിലാളി സ്ത്രീയ്ക്ക് ആണ് പാമ്പ് കടിയേറ്റത്. കടയ്ക്കാവൂർ നാലാം വാർഡിൽ തൊഴിലുറപ്പ് തൊഴിലാളികൾ ആശുപത്രിക്ക് സമീപം ജോലി ചെയ്തുകൊണ്ടിരുന്നപ്പോൾ ആണ് വട്ടാരവിള വീട്ടിൽ ശോഭന കുമാരി (64)ക്ക് പാമ്പ് കടിയേറ്റത്. അണലി ഇനത്തിൽ പെട്ട പാമ്പാണ് കടിച്ചത് എന്ന് തൊഴിലാളികൾ പറഞ്ഞു. ശോഭന കുമാരിയെ ഉടൻ തന്നെ ആശുപത്രിയിൽ എത്തിച്ചു.