തിരുവനന്തപുരം ജില്ലയിലെ ചോത്തൻകോട് ഐ സി ഡി എസ് ലെ അങ്കണവാടി ജീവനക്കാർ ഓഫീസിൻ്റെ മുൻപിൽ ധർണ നടത്തി. ഉദ്ഘാടനം സംസ്ഥാന സെക്രട്ടറി (CITU) അഡ്വ സായി കുമാർ നിർവഹിച്ചു.
പ്രൊജക്റ്റ് സെക്രട്ടറി ശ്രീലത, പ്രസിഡൻ്റ് ശോഭന, ജില്ലാ സെക്രട്ടറി വൃന്ദാ റാണി, ബ്ളോക്ക് മെമ്പർ മലയിൽ കോണം സുനിൽ, പോത്തൻ കോട് പഞ്ചായത്ത് പ്രസിഡന്റ് സുനിൽ കുമാർ എന്നിവർ സംസാരിച്ചു. അങ്കണവാടി ജീവനക്കാർ ഓണമായിട്ടും അവർക്ക് ശമ്പളം കിട്ടാത്തതിൻ്റെ പേരിലാണ് പ്രതിഷേധ സമരം സംഘടിപ്പിച്ചത്. ആറുമാസമായി ഇതെ അവസ്ഥ തുടരുകയാണ്. കൂടാതെ ജീവനക്കാരോട് മേലുദ്യോഗസ്ഥർ കാണിക്കുന്ന മാനസിക പീഡനവും അവഗണനയും മാസങ്ങളായി സഹിക്കുന്നു. പച്ചക്കറി ബില്ല്, വാട്ടർ ബില്ല്, കറണ്ട് ബില്ല് ഇവ പല പഞ്ചായത്തുകളിലും മാറി കിട്ടിയിട്ട് മാസങ്ങളോളമായെന്നും ജീവനക്കാർ പറയുന്നു.
