കോഴിക്കോട്: ദുബായില് നിന്ന് കരിപ്പൂരിലേക്ക് വന്ന വിമാനം എമര്ജന്സി അലര്ട്ട് നല്കി കോഴിക്കോട് വിമാനത്താവളത്തില് ഇറക്കി. വിമാനത്തിന്റെ ഹൈഡ്രോളിക് തകരാര് മൂലമാണ് എമര്ജന്സി അലര്ട്ട് പുറപ്പെടുവിച്ചത്. യാത്രക്കാരെല്ലാം സുരക്ഷിതരാണെന്ന് അധികൃതര് പറഞ്ഞു.
ദുബായിയില് നിന്ന് കോഴിക്കോട്ടേക്ക് വന്ന ഐ എക്സ് 344 എയര് ഇന്ത്യ വിമാനമാണ് എമര്ജന്സി ലാന്ഡിങ് നടത്തിയത്. ഹൈഡ്രോളിക് തകരാര് ശ്രദ്ധയില്പ്പെട്ടതിനെത്തുടര്ന്ന് വിമാനത്തില് നിന്നും എയര്പോര്ട്ടിലേക്ക് വിവരം കൈമാറി. തുടര്ന്ന് എമര്ജന്സി അലര്ട്ട് പുറപ്പെടുവിച്ചു.
ഇതിനിടെ വിമാനത്താവളത്തില് എല്ലാ സജ്ജികരണങ്ങളും ഒരുക്കിയിരുന്നു. സമീപത്തെ മുഴുവന് ആംബുലന്സുകളും ഫയര്ഫോഴ്സ് സംവിധാനങ്ങളും റണ്വേയിലെത്തിച്ചിരുന്നു. പിന്നാലെ വിമാനം സുരക്ഷിതമായി ലാന്ഡ് ചെയ്യുകയുമായിരുന്നു. യാത്രക്കാരെല്ലാം സുരക്ഷിതരായി പുറത്തിറങ്ങി.
