കൊച്ചി: ചരിത്രത്തില് ആദ്യമായി സംസ്ഥാനത്ത് സ്വര്ണ വില പവന് 70,000 രൂപ കടന്നു. 70,160 രൂപയാണ് ഇന്നത്തെ പവന് വില. ഇന്നു കൂടിയത് 200 രൂപ. ഗ്രാമിന് 25 രൂപ ഉയര്ന്ന് 8770 ആയി.
കഴിഞ്ഞ മൂന്നു ദിവസമായി വന് കുതിപ്പാണ് സ്വര്ണ വിലയിലുണ്ടായത്. വ്യാഴാഴ്ച ഒറ്റയടിക്ക് 2160 രൂപ കൂടിയ പവന് വില ഇന്നലെ 1480 രൂപ കൂടി ഉയര്ന്നു. അമേരിക്കയില് ട്രംപ് തീരുവ വര്ധിപ്പിച്ചതിനെത്തുടര്ന്ന് ഓഹരി വിപണിയില് രാജ്യാന്തര തലത്തില് തന്നെയുണ്ടായ അനിശ്ചിതത്വമാണ് സ്വര്ണ വിലയെ സ്വാധീനിച്ചത്. സുരക്ഷിത നിക്ഷേപം എന്ന നിലയില് കൂടുതല് പേര് സ്വര്ണത്തിലേക്കു തിരിയുന്നുണ്ടെന്ന് വിപണി വിദഗ്ധര് വിലയിരുത്തുന്നു.
