തിരുവനന്തപുരം: ദളിത് സ്ത്രീയെ വ്യാജ കേസില് കുടുക്കി ഉപദ്രവിച്ച സംഭവത്തില് എസ്എച്ച്ഒയെ സ്ഥലംമാറ്റി. ആര്. ശിവകുമാറിനെ കോഴിക്കോട് മാവൂര് സ്റ്റേഷനിലേക്കാണ് സ്ഥലം മാറ്റിയത്. പൊതുസ്ഥലം മാറ്റത്തിനൊപ്പമാണ് മാറ്റം.
യുവതി ജോലിക്ക് നിന്നിരുന്ന വീട്ടില്നിന്ന് സ്വര്ണമാല കാണാനില്ലെന്ന് വീട്ടുടമ പരാതി നല്കിയതിന്റെ അടിസ്ഥാനത്തില് യുവതിയെ പേരൂര്ക്കട പൊലീസ് സ്റ്റേഷനില് എത്തിച്ച് എസ്ഐ ഉള്പ്പടെയുള്ളവര് ക്രൂരമായി പെരുമാറുകയായിരുന്നു. കൂടാതെ യുവതിയെ ഒരു ദിവസം സ്റ്റേഷനില് പട്ടിണിക്കിടുകയും ചെയ്തു. കുടിക്കാന് വെള്ളം പോലും നല്കിയില്ലെന്നും യുവതി പറഞ്ഞിരുന്നു. കള്ളന്മാരെ പോലെ നാട്ടിലെത്തിച്ച് തെളിവെടുപ്പ് നടത്തിയെന്നും താന് മോഷണം നടത്തിയിട്ടില്ലെന്ന് കരഞ്ഞു പറഞ്ഞിട്ടും കേള്ക്കാന് തയ്യാറായില്ലെന്നും ബിന്ദു പറഞ്ഞിരുന്നു.
