ഡിസിസി മുൻ ജനറൽ സെക്രട്ടറി കെ. ജി. ജേക്കബ് (55) അന്തരിച്ചു

തിരുവനന്തപുരം: ഡിസിസി മുൻ ജനറൽ സെക്രട്ടറി കുറവൻകോണം ഹിൽ വ്യുവിൽ കെ. ജി. ജേക്കബ് (55) അന്തരിച്ചു. യൂത്ത് കോൺഗ്രസ്സ് സംസ്ഥാന ജനറൽ സെക്രട്ടറിയും കെഎസ്‌യു സംസ്ഥാന വൈസ് പ്രസിഡന്റുമായിരുന്നു. തുടർച്ചയായി മാർ ഇവാനിയോസ് കോളജിനെ പ്രതിനിധീകരിച്ച് യൂണിവേഴ്സിറ്റി യൂനിയൻ കൗൺസിലറായിരുന്നു. ജില്ലയിലെ കോൺഗ്രസ്സ് പൊതുയോഗങ്ങളിലെ മികച്ച പ്രസംഗകനായിരുന്നു. കെപിസിസി എക്സിക്യൂട്ടീവ് അംഗമായിരുന്ന എംഗിൽബർട്ടിന്റെ മകനാണ്. അമ്മ: ശോശാമ്മ, ഭാര്യ: സാലി പണിക്കർ. മകൻ: മിലാൻ. സഹോദരങ്ങൾ: റെയ്ച്ചൽ ,മേരീ വിൻസെന്റ്, പരേതനായ കെ.ജി. ഈപ്പൻ. സംസ്കാരം പിന്നീട്.